واجهه المتحف المصري بالتحرير

شرح واجهه المتحف المصرى بالتحرير(القاهرة) وحديقة المتحف

اولا نلاقى حوض فيه زهرتين اللوتس والبردي وكلنا عارفين رمزهم زهره اللوتس ترمز إلى مصر العليا والبردي يرمز إلى مصر السفلي لكن اللى ما نعرفوش بقة ان الحوض ده بيرمز للنيل وان اللون بتاع المتحف بيرمز للطمى يعنى بالاجماع حوض النيل  فوق باب المدخل نجد رأس حتحور رمز الحضارة الفرعونية

على يمينا تلاقى الالهة نيكس الهة الليل عند الاغريق وقافلة عينيها وعلى يسارنا الالهة هيميرا اهلة النهار وال 2 رمز الحضارة الاغريقية

نيجى بقة حوالين المدخل نفسه نلاقى حفر عناقيد عنب على الرخام وده اللى عمله drovetti وده كان المسئول عن الحفر على الرخام للعيلة المالكة بس وكان ايطالى الجنسية والعنب هنا رمز المسيحية فى مصر

نيجى بقة للباب نفسه هنلاقيه مزين بزهرة عباد الشمس ودى فى الحضارة الاسلامية بترمز لنور الله وفى الاخر مطرقة الباب على شكل اسد وده كان رمز العيلة المالكة يعنى الحديث والمعاصر

وراح حاطط حرفين اسمه AM يعني August mariette على المتحف نفسه دلالة على انه ترك اثر على ارض مصر وهو مبنى المتحف...