الماو المصري
القطط دي مش قطط بلدي!
ده breed اسمه القط المصري، أو الماو المصري Mau
( ماو تعني قط في اللغة المصرية )
بيتميز بسيقان طويلة، الرجلين الخلفية أحيانًا أطول من الأمامية، وودانها طويلة، وليها أكتر من شكل
الDNA بيقول إنها من أصل أوروبي، وفي تشابه بين جيناتها وجينات القطط الأمريكية!
بس التاريخ بيقول إن أصولها مصرية لوجود رسومات فرعونية ليها، وعاشت مع القطط البرية الأفريقية لحد ماتم استئناسها
وهي القطط الوحيدة المرقطة Spotted feline اللي استُئنست بفعل الطبيعة، عشان كده بتحب الصيد والجري
ذكية، ونضيفة، وبتحب اللعب والتسلق، وهي أسرع أنواع القطط الأليفة.. مطيعة، وعندها تواصل جيد مع صحابها
خجولة جدًا، لكن سرعان مابتبقى ودودة!
واخدة تقييم excellent في التعامل مع الأطفال
ويفضل لو هتربيها تحتفظ بيها في البيت، وتوفر لها ألعاب، او مساحات جري
بتقص ضوافرها كل 5-7 أسابيع، وبتسرح شعرها كل أسبوع!
فترة الحمل بتاعتها أطول من باقي القطط، ومناعتها أقوى مابتمرضش بسهولة
انقرض الماو المصري في أوروبا وأمريكا في الخمسينات، وكانت مهددة بالانقراض في الشرق الأوسط، لحد ما الأميرة ناتالي الروسية أنقذت النوع، لما جالها قطة مصرية هدية، فاشترت بعض الأفراد التانيين، وخلتهم يتزاوجوا، وسفرت بعضهم لنيويورك
سعر القطة الصغيرة منها 600$-1000$
تعليقات
إرسال تعليق